Tha tì is cofaidh rin ceannach aig an Ionad fhad's a bhios sibh air ur cùrsa. Chan eil goireasan bìdh eile againn, ach bidh cafaidh Gàidhlig (Iuchar ‘s an Lùnasdal) a’ dol san togalach a’ toirt seachad tì/cofaidh, ceapairean is fuine. Tha cuideachd taghadh de thaighean-òsta agus àiteachan bìdh eile shìos an rathad bhuainn ann am Bogh Mòr.

Chan eil àiteachan-fuirich fhathast aig Ionad Chaluim Chille Ìle airson oileanaich, ach thèid fiosrachadh air àiteachan-fuirich sa choimhearsnachd a thoirt seachad leinn ‘nuair a chlàraicheas sibh air cùrsa còmhla rinn. Tha cuideachd an cothrom agaibh àite-fuirich a lorg dhuibh fhèin le bhith a' cur fios gu Oifis Turasachd sa Bhogh Mòr air àireamh fòn
+44 (0)1496 810254.

Lùghdachadh air prìs nan Cùrsaichean
Tha an t-Ionad a’ tairgse lùghdachadh de £30 air na cùrsaichean seachdaine do luchd a’ pheinsean, clann fo aois 18, oileanaich làn-thìde, agus muinntir eilean Ìle is Dhiùra (lùghdachadh de £15 airson na cùrsaichean trì làithean ann an Gàidhlig airson Luchd-tòiseachaidh is Fìdeag/Feadan

ILA (Individual Learning Account)
Tha sinn air leth toilichte gu bheil oileanaich air ar cùrsaichean goirid Gàidhlig a-nis aithnichte airson taic-airgid bho ILA Alba. Tha seo a’ ciallachadh ma tha sibh a’ fuireach an Alba, ‘s dòcha gum bi e comasach dhuibh taic-airgid de £200 aig a’ char is àirde sa bhliadhna fhaighinn le cosgaisean ar cùrsaichean goirid Gàidhlig. Airson tuilleadh fiosrachaidh, faicibh làrach-lìn ILA Alba no cuiribh fòn thuca air 0800 100 1090.

Cùrsaichean air an cur dheth
’S dòcha aig amannan gum feum Ionad Chaluim Chille Ìle cùrsaichean atharrachadh seach mar a th’ air innse sa bhileag-fiosrachaidh seo, no cùrsaichean an cur dheth mura bi daoine gu leòr againn air clàradh orra. Chan urrainn dhuinn airgead a thèid a phàigheadh ro-làimh a thuirt air ais, ach ann an suidheachain neo-àbhaisteach, leithid cùrsa air a chur dheth.